BUTUAN CITY – Dead on the spot si Jury Fernandez, 69 anyos, bIyudo, taga-Purok 2-A Tuway brgy. Bonbon ning dakbayan sa Butuan ug trabahador sa buwaranan ug humay human giluba ug gitigbas sa barangay tanod gamit ang sundang kagahapon sa hapon.
Naila ang suspetsado nga si Jun Rey Tiu, 40 anyos ug residente sa maong lugar.
Sumala sa nakasaksi nga si Cerilla Laguna, hubog matud pa ang suspek nga nag-drive og motorsiklo ug kalit lang mihunong sa gitrabahoan ni Jury ug nanghagit og away.
Nakasagang matud pa ang biktima samtang kini gitigbas ni Jun Rey apan nadakin-as kini ug dinhi na gi-ayo pagtigbas ug luba gamit ang sundang.
Dugang pa ni Cerilla, adisir ang maong panghitabo, aduna na matud pay kalagot ang suspek ngadto sa biktima human gisita sa biktima atol sa iyang pagpanulo og baki tungod kay gi-flash-lightan matud pa sa suspek ang iyang balay.
