BUTUAN CITY – Hugot nga gikondena sa Indigenous People’s Mandatory Representative kon IPMR Datu Rico Maca og sa kaigsoonang katribo sa Municipalidad sa San Miguel,Surigao del Sur ang gibuhat sa CPP-NPA nga pagpatay sa kaubanansa tribu.
Nasayrang base sa impormasyon gikan kang Datu Maca nga gipamusil-patay matud pa ang mga biktima nga sila Arnel Cuarteron Martinez 19-anyos og minor-de-edad nga si Jeffrey Cuarteron 17-anyos.
Nahitabo ang insidente sa Brgy. Bayugo,San Miguel, Surigao Del Sur sa nakalabay nga adlaw.
Walay kalooy matud pang gipusil sa gitudlong New People’s Army kon NPA. Giluba-patay usab sa susamang adlaw si CAA JERRY SANDAYA BUDONG diin ang suspek usab sa sibilyan nga si Lendon Budong. Kini nahitabo sa Barangay Bitaugan, San Miguel Surigao Del Sur.
Nanawagan nalang si Datu Maca og suporta sa mga Surigaonon, Politicians, Business sector, Government Agencies local ug national, religious sector, sektor sa maguuma, kabatan-onan, media sector, tanang porma sa Organizations nga maghiusa aron matapos ang problema sa insurhensiya.
