BUTUAN CITY – Laing benipisyaryo na usab ang nahatagan og hinabang bugas ingon man reading eye glasses kansa gipatunol sa pipila ka mga lungsunaron ug pribadong sektor sa Bombo Radyo alang niadtong mga kabus nga Butuanons.
Kini isip kina-ugalingong paghatag og ayuda ning sibyahan niadtong mga kabus nga Butuanon nga apektado sa COVID-19 ilabina niadtong wala makadawat og ayuda gikan sa barangay ug siyudad apil na sa Special Amelioration Program kon SAP sa nasudnong kagamhanan ingon man libreng reading eye glasses.
Sa pakighinabi ning Bombo Radyo Butuan sa usa ka Ginang nga personal midalikyat nining sibyahan gipadayag niini ang kalisod nga iyang nasinatiaan uban sa lima niya ka mga anak .
Tungod sa quarantine wala makapadala og hinabang ang iyang bana nga natanggong sa Sta. Irene Prosperidad Agusan del Sur. Nag-antos nalang matod pa sila og lugaw-lugaw butang nga dakong tabang gayod ang nadawat niining lima ka kilo nga bugas labi na nga dunay nay saktong makaon ang iyang mga anak dungan sa pagpadayag nga wala napakyas ang iyang paglaom ug pagdalikyan dinhi sa sibyahan.
Pulos pasalamat usab nalitok ni ug Rosalinda Tanhay usa ka health worker sa Barangay Antongalon ning dakbayan sa Butuan ug ni Mary Jane Aparese human ang nadawat nilang libreng reading eye glasses butang nga dako gayud og tabang labi na sa hanap nilang mga mata.
