BUTUAN CITY – Naputos sa pagpasalamat ang laing duha ka mananaog karung adlawa sa nagpadayong Buena Mano Salvo Year 20 promo sa Bombo Radyo Philippines og Star FM.
Unang gidawat sa mananaog nga si Ronnie Aljas, nga taga Purok-8, Barangay Ong Yu ning siyudad sa Butuan ang iyang ganti nga usa ka libo ka pesos og dugang usa ka libo ka pesos nga kantidad sa gift pack.
Kini human nabunotan ang iyang entry gamit ang proof of purchase nga Pioneer Epoxy. Sumala pa niini nga dakong tabang kini sa pagpalit og nag-unang palaliton sama sa bugas og panud-an lakip na ang balon sa mga bata sa pagtungha.
Hilabihan ang pagpasalamat niini ilabina sa grabe kalisud nga kahimtang karun taliwa sa krises nga nahatud sa giyera sa middle east.
Susama usab nga kalipay og pagpasalamat ang nabungat ni Mikha Angel Aradillos nga taag Purok 6, Barangay Tiniwisan ning siyudad sa Butuan human nakadaog og Am/FM Transistor Radio nga giubanan pa sa 500 pesos nga cash sa gipahigayong special draw.
Gamit niini ang proof of pruchase nga Orocan sa iyang entry sa pag-apil sa Buena Mano Salvo Year 20 promo.
