BUTUAN CITY – Gikustudiya na sa Cabadbaran City Police Station ang nadakpang suspetsado sa gikasang buybust operation kagahapon sa alas 2:14 sa buntag sa may Barangay 9, Cabadbaran City.
Miabot sa 70-mil 800 pesos nga kantidad sa shabu ang nakumpiska gikan sa regional target priority atoll sa anti-illegal drug operation.
Giila ni PNP Caraga director Brigadier General Romeo M. Caramat, Jr. ang suspek nga si Dany G. Agcol, 45-anyos nga residente sa maong dapit.
Gihimo ang operasyon sa Cabadbaran City Police Station sa pakig-alayon sa Philippine Drug Enforcement Agency kon PDEA-Caraga binasehan ang search warrant nga gi-isyu ni Hon. Ela De Villa Angeles-Lim presiding judge sa MTCC, Cabadbaran City sa kalapasan sa RA No. 9165 kon Comprehensive Dangerous Drugs Act of 2002.
Miabot sa 5 ka sachet nga dunay sulod sa gitoohang shabu ang kumpiska diin muabot sa gimbug-aton nga 6 gramos og Dangerous Drugs Board value nga 70-mil 800 pesos lakip na ang usa ka gramo sa pinaugang dahon sa marijuana og uban pang drug paraphernalia.
