BUTUAN CITY- Nahuyang na ngadto sa kategoryang bagyo ang kaniadtong Super Typhoon Dolphin kaganiha sa may alas 8 sa buntag, sumala sa Philippine Atmospheric, Geophysical and Astronomical Services Administration kon PAGASA, bisan pa nga nagpabilin kini sa gawas sa Philippine Area of Responsibility kon PAR.
Ang sentro sa bagyo namatikdan sa gilay-on nga 3,285 kilometro sa sidlakan sa kinatumyang amihanang bahin sa Luzon, ug nagdala gihapon kini og kusog nga hangin nga moabot sa 175 kilometro matag oras ug paghuros nga hangtod 215 kilometro matag oras.
Padayon usab nga gimonitor sa PAGASA ang lihok ni Dolphin ug wala nila gisalikway ang posibilidad nga mosulod kini sa PAR sa umaabot nga mga adlaw diin paganganlan kini og Maymay kung makasulod.
Samtang, anaa na sulod sa PAR ang Bagyong Luis, nga padayon usab nga gimonitor sa PAGASA tungod sa posibleng epekto niini sa panahon sa pipila ka mga lugar sa nasud.
