BUTUAN CITY – Libuang mga trabahante, aktibista ug mga membro sa nagkada-iyang sektor ang mipuno sa kadalanan sa Metro Manila sa init nga Labor Day protests kaganina rason sa pagbarikada sa mga otoridad sa nag-unang kadalanan padulong ngadto sa Malacañang Palace.
Nagmartsa ang mga protesters sa España Boulevard padulong ngadto sa Mendiola, nga nanawagan og mas taas nga suhulan, pagkunhod sa presyo sa mga nag-unang palaliton ug mas kusog nga labor protections taliwa sa nagkataas nga economic pressures.
Bitbit sa mga raliyesta ang mga placards dayong singgit sa mga slogans nga nag-highlight sa inflation ug wala’y pag-uswas sa suhulan dayong kondena sa sunod-sunod nga pagsaka sa presyo sa mga produktong petrolyo nga nagpasamot sa kalisod sa mga public utility drivers ug mga low-income earners.
Ang rali kabahin sa nationwide Labor Day action nga gipangunahan sa mga labor coalitions, apil na ang Kilusang Mayo Uno ug mga ka-alyadong organisasyon.
Sigon ni Joshua Mata, Secretary General sa Sentro ng mga Nagkakaisa at Progresibong Manggagawa, ilang gi-asdang ang pagpatuman sa ‘wealth tax’ sa mga gibansagang ‘ultra rich’ o indibidwal nga grabe ka-adunahan. Nagtuo siyang pinaagi sa pagbuhis kanila, matabangan ang gobyerno nga matubag ang mga probleman gi-atubang sa katawhan.
Sa pagtatapos ng demonstrasyon sa mga progresibong grupo sa Kalaw Avenue sa Metro Manila, duna’y wala pagsinabtanay hinungdan sa tensyon tali sa mga pulis ug mga raliyesta.
Kini human nabasa sa tubig ang pipila gikan sa water hose sa Bureau of Fire Protection nga tumong unta nga dili mudako ang kalayo gikan sa gidagkutang mga effigy.
