BUTUAN CITY- Minglapas na sa spilling level ang tubig sa La Mesa Dam kagahapon sa gabi, human ang sunod-sunod nga mga pag-ulan tungod sa Habagat.
Kung asa natala na ang 80.27 meters water level sa dam pasado alas-9 sa gabi.
Lapas na kini sa 80.15 meters nga normal spilling level sa dam.
Mas sayo nga natala ang spilling level sa dam pasado alas-5 sa hapon nga naa sa 80.15 meters.
Sa may alas-11 kagahapon sa buntag, anaa na sa 80.11 meter na ang lebel sa tubig.
Sumala sa PAGASA, posibleng molapas sa excess floodwater ugaling molapas na sa 80.15 meter ang water level sa La Mesa Dam.
Posibleng maapektuhan sa pag-agas sa tubig ang mga ubos nga lugar sa Tullahan River, lakip ang pipila ka parte sa Quezon City, Caloocan City, Valenzuela City, Malabon City ug Navotas City.
Sa Quezon City, lakip sa mga lugar nga posibleng maapektuhan sa baha ugaling molapas na ang dam ang Fairview, Forest Hills Subdivision, Quirino Highway, Sta. Quiteria ug San Bartolome.
Samtang sa Valenzuela City, lakip ang mga lugar duol sa North Expressway ug La Huerta Subdivision ang posibleng ma-apektuhan.
Tungod niini, hipahimangnuan sa PAGASA ang mga residenteng nagpuyo sa mga ubos nga lugar, hilabi na ang mga duol sa suba nga magpabiling alerto sa posibilidad sa kalit nga pagbaha o flash floods.
