BUTUAN CITY – Gibana-banang kapin sa 50-mil ka mga tawo ang milambigit sa multi-sectoral prayer rally kagabii Dominggo sa Davao City aron protestahan ang paggamit sa mga programa sa gobyerno apil na ang buhis sa katawhan aron lang linglahon ang mga Filipino ilabina ang mga rehistradong botante diha sa pagpirma sa mga dokumento nga magsuporta na diay sa pag-amyenda sa Konstitusyon.
Mitambong ang mga Duterte sa gipahigayong prayer rally kontra charter change kon cha-cha sa Davao City si kanhi Pangulong Rodrigo Duterte kondiin namahayag kini kalabot na sa gi-asdang nga People’s Initiative.
Gipahinumduman sa kanhi pangulo ang administrasyon nga dili muhio og lakang nga makapasuko sa katawhan dayong panawagan sa kapulisan ug kasundaluhan nga himuon ang ilang tahas nga protektahan ang Konstitusyon.
Samtang gihagit usab ni Davao City Mayor Sebastian ‘Baste’ Duterte si Pangulong Ferdinand ‘Bongbong’ Marcos Jr. nga mukanaog sa katungdanan dungan sa pagbutyag nga ang mga “Dabawenyo Are No for Sale”.
Dugang pa ni Mayor Baste, tapulan ug kulang sa compassion’ matud pa ang si Pangulong Marcos jr tungod kay wala nay nahimo ang pangulo nga kapuslanan sa mga nanghitabo sa nasud apil na ang pagbadlong sa iyang mga kabanay nga klarong hangol matud pa sa kwarta ug gahom.
