BUTUAN CITY – Padayon pa ang pag-ila sa kapulisan sa Surigao City sa putol nga lawas sa usa ka lalaki nga napalgang naglutaw sa Lamintao River.
Sa eksklusibong pakighinabi sa Bombo Radyo Butuan, gibutyag ni PLCol. Christian Rafols, hepe sa Surigao City Police Station, human nga wala’y nag-claim nga kabanay, nagdesisyon na lang ang lokal nga kagamhanan sa Surigao City ka-uban ang kapoulisan nga ilubong sa public cemetery ang napalgang tungang parte sa lawas sa lalaki.
Napalgan ang ubos nga parte sa lawas sa biktima dih ang nagdula kilid sa suba ang mga bata nga daling gisumbong ngadto sa mga barangay officials nga maoy nagpahibalo kanila.
Anaa na sa state of decomposition ang biktima rason nga gitu-uhang pila ka adlaw na kining patay ug gipangita pa nila ang katungang parte sa lawas niini.
