BUTUAN CITY – Padayon ang pagsaka sa mga kaso sa Pertussis sa Pilipinas sugod niadtong unang bahin sa 2024, diin sa kasamtangan, ning hapak na sa 1,566 ang mga nataptan niini base sa datos nga gipagawas sa Department of Heath.
Sumala usb sa maong datos nga kadaghanan sa mga nataptan sa maong sakit kay mga bata.
Sigon ni Health Assistant Secretary Albert Domingo, wala pa makita sa ilahang ahensya ang pag ubos sa mga ksao sa nasangpit nga sakit, ingon man padayon pa usab nilang gihuwat ang epekto sa mga gihimong pagbakuna kontra niini.
Sa pagkakaron, gilauman pa sa maong ahensya nga moabot na sa Pilipinas ang 3-milyones ka mga doses sa pentavalent vaccine nga maghatag og proteksyon sa mga kabataan ug sa kinatibuk-ang papulasyon sa Pilipinas kontra sa Pertussis.
Gawas niini, ningpalit na usab ang maong ahensya og dugang 1.5 milyon ka mga doses sa bakuna tungod kay pahurutay naman ang stock sa DOH.
