BUTUAN CITY- Ming-abot sa kinatibuk-ang 6,224 ka tungha-an sa nagkanda-iyang parte sa Mindanao ang na-apektuhan sa magnitude 7.8 nga linog nga mingtay-og kagahapon Lunes, Hunyo 8, sumala sa Department of Education kon DepEd.
Base sa ahensya, lakip sa mga apektadong lugar ang mga rehiyon sa Zamboanga Peninsula, Northern Mindanao, Davao Region, Soccsksargen, ug Caraga.
Gawas sa mga tunghaan, gibana-banang 3.2 milyon ka mga tunghaan ug kapin 128,000 ka maestra ug uban pang school personnel ang naapektuhan sa maong linog.
Tungod niini gi-anunsyo ni DepEd Secretary Sonny Angara ang suspensyon sa mga klase sa tanang libel sa na-igo nga lugar samtang magpagawas og bag-ong abiso ang departamento.
Sumala pa ni Angara, nakapadala na ang DepEd og mga structural engineer aron mohimo og damage assessment sa mga tunghaan ug maghatag og gikinahanglang suporta sa mga regional team.
Gitugotan usab sa Departamento nga mogamit og Maintenance and Other Operating Expenses kon MOOE sa mga skwelahan alang sa dali-ang minor repairs sa mga naguba nga classrooms nga nagkantidad og P50,000.
Samtang gisiguro sa DepEd nga adunay gigahin usab nga lahi nga pondo ug emergency resources alang sa mga repairs ug rehabilitasyong manginahanglan og mas dakong gastuhonon.
Gimanduan na usab ni Angara ang tanang skwelahan og hugot nga ipatuman ang mga lakang sa pagpangandam batok sa linog, lakip ang pagsunod sa evacuation procedures ug regular nga paghimo og earthquake drills aron mamintinar ang ka-andam sa tibuok school community sa unsa mang kataladman
