BUTUAN CITY – Misaka pa sa 257, 243 ka individual o 65, 058 ka pamilya ang apektado sa pag-ulan nga hatud sa shearline dinhe sa rehiyon sa Caraga.
Sigon ni Ronald Anthony Briol, tigpamaba sa Office of the Civil Defense kon OCD-Caraga nag 68 ka barangay ang gibaha nga gilangkuban sa 31 gikan sa Agusan Del Sur, 32 sa Agusan Del Sur, usa sa Surigao Del Norte og 4 sa Butuan City.
Tungod niini, gi-ablihan ang 150 ka evacuation centers nga gipasilongan sa 16, 219 ka pamilya. Anaa usab sa 11 ka barangay ang nakatala og landslide diin 2 sa Surigao Del Sur og 9 sa Agusan Del Sur.
Lakip sa gikumpirma ni Briol nga dunay 24 ka panimalay ang partially damaged samtang 8 ang totally damaged.
Wala pa usab nadawat sa opisyal ang gika-ingong na-missing nga batan-on sa Agusan Del sur human naligo sa suba.
