BUTUAN CITY- Nadiskubre ug gi-ibot sa kapulisan ang kapin 11,000 ka fully grown marijuana plants ug 300 ka seedlings nga mobalor og Php2.2 milion atol sa intensified anti-illegal drug operation sa Police Regional Office 13 (PRO13) niadtong Abril 16, 2026 sa Sitio Bagtok, Barangay Kasapa 1, Loreto, Agusan del Sur.
Ang operasyon, nga nagsugod alas 6:20 sa gabii, gihimo sa Provincial Intelligence Unit (PIU), Loreto Municipal Police Station, ug 2nd Provincial Mobile Force Company sa Agusan del Sur Police Provincial Office (ADSPPO), uban sa koordinasyon sa PDEA–Agusan del Sur ug 60th Infantry Battalion sa Philippine Army.
Sumala ni PBGen. Marcial Mariano Magistrado IV, Regional Director sa PRO13, nga ang kalampusan nagpakita sa kusog nga kolaborasyon tali sa komunidad, kapulisan ug partner agencies, bisan pa sa lisod nga terrain nga gikinahanglan og 16 kilometro nga paglakaw aron maabot ang maong lugar.
Bisan paman nga walay nasapon sa operasyon apan na-ila na sa mga awtoridad ang owner-cultivator sa maong tanum diin asa mag-atubang kini sa kasong paglapas sa Article II, Section 16 of Republic Act 9165 o Comprehensive Dangerous Drugs Act of 2002.
