BUTUAN CITY – Gikahadlokang kapin sa 200 ka tawo ang namatay human naigo sa airstrike sa militar ang usa ka merkado sa amihanan-sidlakang Nigeria niadtong Sabado sa gabii, sumala sa mga opisyal sa lokal nga gobyerno ug mga residente.
Nasayran nga nagpadayon ang operasyon sa militar batok sa mga Islamist militant sa rehiyon sa dihang nahitabo ang insidente sa Jilli Market, duol sa utlanan sa Yobe State ug Borno State, usa ka lugar nga dugay nang apektado sa insurhensiya nga hinungdan sa liboang kamatayon ug paghikling sa milyones nga residente.
Sigon sa usa ka lokal nga opisyal nga daghan sa mga biktima gidala sa mga ospital sa Yobe ug Borno, samtang ang mga residente ug humanitarian worker nagkumpirma usab sa dakong kadaot.
Sumala sa usa ka nakaluwas, ang pagbusikad naghatag og dakong kahadlok diin daghang tawo misulay og palayo apan naglisod tungod sa kalit nga pag-atake.
Sa bulag nga pamahayag, gibutyag sa Nigerian Air Force nga nakapatay sila og mga miyembro sa Boko Haram atol sa operasyon sa Jilli axis, apan wala niini hisguti ang pag-atake sa merkado.
Padayon pang gisusi sa mga awtoridad ang eksaktong gidaghanon sa mga namatay ug ang tibuok kadaot nga nahatag sa insidente.
