BUTUAN CITY – Gi-imbitahan sa Senate Blue Ribbon Committee si kanhe House Speaker ug Leyte 1st District Rep. Martin Romualdez sa pagpadayon sa pagdungog mahitungod sa matud pa flood control scandal.
Sumala ni Sen. Pia Cayetano, nga maoy chair sa komite, nakatakda ang hearing ugmang adlawa Hunyo 4, 2026.
Kauban si Romualdez sa 34 ka personalidad nga gi-imbitahan sa komite.
Una nang gilimod sa Kongresista nga dili siya ang matud pa anaa sa likod sa iregularidad nga mga proyektong pang imprastuktura ug budget insertions sa gobyerno.
Gi-imbitahan usab sa komite ang 18 ka indibidwal nga nagpa-ilang kanhe mga ginsakpan sa Philippine Marines, nga nag-ingong naghatod sila og kickbacks sa pipila ka opisyal sa gobyerno.
Gi-imbar usab si kanhe assistant engineer Brice Hernandez, nga una nang nag-akusa sa ubang magbabalaod mahitungod sa flood control anomaly.
Sumala sa komite, tumong sa imbestigasyon nga sayron ang kamatooran sa likod sa mga alegasyon ug seguruhon ang tulubagon sa mga proyekto sa gobyerno.
