BUTUAN CITY – Padayong gipangita sa kasundaluhan ang mga posibleng casualty sa panig sa rebeldeng New People’s Army kon NPA human ang engkuwentro pasado alas-3:30 sa hapon sa Sitio Tuya-tuya, Barangay Poniente, Guigaquit, Surigao del Norte kondiin ilang na-ilog ang kampo sa walhong grupo.
Sa interview sa Bombo Radyo Butuan, gipadayag ni Brigader General Franco Nemesio Gacal, Commander sa 402nd Brigade, Philippine Army, nakuha gikan sa maong kampo ang M4A1 Carbine R5.56mm uban sa mga magazines nga loaded sa 20 rounds sa mga bala, improvised shotgun, aduha ka improvised explosive devices kon IEDs, duha ka mga blasting caps, 50-metrong detonating cord, duha ka mga rifle grenades, 188 ka mga live ammunition sa 5.56mm, tulo ka kahon nga puno sa 5.56mm ball, pito ka mga magazines sa AK-47 rifle nga dunay 82 rounds ka mga live ammunition, unom ka mga backpacks, mga pagkaon, medisina og 50-metrong electrical wires.
Human ang engkuwentro duna’y may mga sibilyang nagbutyag nga nangayo kanila og kagamitan og pagkaon ang mga rebeldeng miyembro sa Guerilla Front Committee 16-C og dinhi nila nasayrang aduna’y napulo ka mga rebelde ang missing-in-action rason nga nagduda ang opisyal nga posibleng namatay o kaha nabuwag lang kini sa ilang mga ka-ubanan.
Gusto sa militar nga mahatagan og desenteng lubong ang mga rebeldeng namatay sa giyera o kaha mapatambalan ang mga samaran.
Dugang pa ni Gacal, wala’y angol o kaha namatay sa ilang han-ay. (Rolan Janea)
