BUTUAN CITY – Aminado si Kanhe Presidential Spokesperson Atty. Harry Roque nga dakong away ang atubangon sa kampo ni Vice President Sara Duterte karung nag-anunsiyo na kini nga modagan pagka-presidente sa sunod nga election.
Sigon ni Atty. Roque nga dili mawala sa kamatooran nga walay bisan kinsang kandidato nga makadikit kay VP Sara sa umaabot nga election.
Apan kinahanglang dili matud pa magpa-kampante tungod kay nahibalo na matud pa kitang daan nga buhaton sa Marcos Administration ang tanan mapahagba lamang si Vice President Sara Duterte og dili mahimong presidente.
Kini tungod kay tumong matud pa ni Pangulong Ferdinand marcos Jr nga magpabilin sa puwesto hangtud sa hangtud. Makita na usab matud pa kini sa kasaysayan nga gihimo sa iyang amahan.
Bisan matud pa sa reyalidad sa politika nga kung basehan ang nakalabay nga election, daug na daan si VP Sara apan lauman ang dakong linimbongay sa election.
