BUTUAN CITY – Target sa Gilas Pilipinas nga maka-apil pa gihapon si Kai Sotto alang sa November window sa FIBA World Cup Asian Qualifiers.
Sigon ni Gilas Pilipinas coach Chot Reyes, nakig-alayon na ang Samahang Basketball sa Pilipinas (SBP) sa Basketball Australia aron hulamon si Sotto.
Nasayrang anaa na sa ikaduhang tuig si Sotto sa Adelaide 36ers sa Australian National Basketball League kondiin gila-umang siya ang mahimong makatabang sa Gilas tungod kay wala man si June Mar Fajardo human na-injury.
Sa pagkakaron, ang Gilas duna pa’y tag-tulo ka daug ug pildi ug una nilang maka-agbat ang Jordan sa away nga himuon sa Amman karong Nobyembre 10 samtang ang Saudi Arabia usab sa Nobyembre 13.
Gikatakdang mubiyahe ang national basketball team sa nasud didto sa Jordan karong Nobyembre 7.
