BUTUAN CITY – All set na ang Kahimunan Council ug ang Barangay Libertad Council alang sa pagsa-ulog sa kapistahan sa ilang patron ugmang adlawa, ang patron nga Sr. Sto Niño.
Aron dili mabalda ang mga kalihukan sa Sto Niño Shrine ilabina ang misa nga magsugod sa alas-kwatro sa kaadlawon ngadto na sa alas-otso sa gabii, ipatuman na ang temporary half-lane closure kondiin ang lane lang mao kadtong mga sakyanan padulong sa sentrong bahin sa siyudad samtang sa diversion usab ang gikan sa downtown ug padulong na sa direksyon sa lungsod sa Buenavista, Agusan del Norte lahos kilid sa may overpass.
Sa eksklusibong pakighinabi sa Bombo Radyo, gipadayag ni Kapitan Mechie Rosario nga himuon karong alas-sais sa gabii ang turn-over ceremony alang sa hermano ug hermana mayor nga maoy highlight activity karong adlawa human SA mga kalihukan sa simbahan kagahapon.
Atol sa kapistahan ugmang adlawa, gila-uman ni Kapitan Rosario nga ma mudaghan pa ang mga manimba ilabina nga wala’y Gran Kahimunan competition karong tuiga.
