BUTUAN CITY – Girekomenda sa Peace and Order Council sa lungsod sa Toboso, Negros Occidental nga ideklarang persona non-grata ang Communist Party of the Philippines-New People’s Army-National Democratic Front kon CPP-NPA-NDF sa ilang lungsod.
Kini human ang gipahigayong peaceful rally ang grupong Buklod Kapayapaan sa ilang public plaza kondiin ilang gipanawagan ang kahapsay ug kalinaw alang sa mga residente sa lungsod.
Sigon ni Toboso Municipal public information officer Albertito Morados, mayoriya sa konseho ang mi-uyon nga ideklarang persona non-grata ang mga rebeldeng grupo human ang engkwentro sa Brgy Salamanca nga gikamatay sa 19 ka mga rebeldeng New People’s Army.
Sigon ni Murados, base sa iyang nasayran, wala’y bisan usa ka estudyante ang miduol sa munisipyo og nagpahibalo nga magpahigayon og research sa encounter site.
Dugang pa niini, kung ang nabani-og karon nga uban sa mga biktima mga estudyante, researchers ug community journalists, dapat duna kini dala nga sulat gikan sa ilang eskwelahan ug nakig-coordinate sa local government unit.
