BUTUAN CITY- Gikondenar sa Iraqi authorities ang dagkong pagpamomba sa Israel nga nakapatay og kapin sa 89 ka tawo ug naka-angol sa 722 sa Lebanon, kansa ilang giingon nga tumong aron i-sabotage ang ceasefire nga gikasabutan sa Iran ug Estados Unidos.
Sumala ni Iraqi government spokesman Bassem al-Awadi nga brutal ang gihimo sa Zionist army batok sa mga sibilyan ug nagpakita kini sa plano nga ipadayon ang kagubot.
Sigon usab sa Italian officials nga dili madawat ang pagpamusil sa convoy sa ilang UN peacekeepers nga nakadaot sa usa ka sakyanan, samtang gipatin-aw ni Defence Minister Guido Crosetto nga dili angay nga ma-expose sa peligro ang mga sundalong Italyano nga nagserbisyo ubos sa UN flag.
Samtang gipahibalo sa Israel nga kapin sa 100 ka Hezbollah sites ang ilang giigo sa pinakadako nga coordinated strike sukad nagsugod ang giyera batok sa Iran.
