BUTUAN CITY – Nagbahad ang Israel nga andam niining ibalik ang Iran sa “dark ages,” samtang misamot ang tensyon tali sa duha ka nasud.
Kini ang nahimong pamahayag ni Israeli Defense Minister Israel Katz diin andam matud pa ang ilang militar nga subling sugdan ang opensiba batuk sa Iran.
Sigon usab ni Katz nga naka-marka na ang mga targets og gipaabot na lang nila ang pagtugot sa U.S. aron ipadayon ang operasyon.
Dugang pa sa Israeli official, tumong nilang hingpit nga pahagbaon ang pagdumal sa dinastiya ni Khamenei.
Samtang laumang magpulong si Israeli Prime Minister Benjamin Netanyahu kauban ang mga tag-as nga opisyal sa seguridad aron hisgutan ang sitwasyon sa Israel ug Lebanon.
Padayon usab nga midako ang tensiyon tali sa Estados Unidos ug Iran diin lakip ang mga nahitabong pag-ilog sa US sa mga barkong dunay kargang lana gikan sa Iran dungan sa subling pagsirado sa Iran sa Strait of Hormuz.
Bisan paman sa unang pag-atake sa Israel nga gikamatay sa pipila ka tag-as nga opisyal sa Iran, nagpabiling lig-on ang maong nasud dayung bahad nga ang sunod nga pag-atake mahimong mas bangis og magresulta sa dakong damyos.
