BUTUAN CITY – Nakurat ang pamilya ni Kathy Price dihang ang usa ka mabdos nga iring nga ilang gisagop human mitunga sa balkonahe sa ilang balay sa Oklahoma, nagsagop usab og laing mananap.
Nasayrang ning mi-aging duha ka bulan ang milabay, gipasulod kini sa pamilya ug gi-atiman kay murag nawala kini sa iyang tag-iya hangtud nga nanganak ang iring og lima ka kuting.
Paglabay sa pipila ka adlaw, nakurat si Kathy ug ang iyang bana sa ilang nakita tungod kay ang lima ka mga kuting, nahimo na mang unom hangtud nga ilang nadiskobrehan nga ang ika-unom, usa diay ka gamay’ng rabbit.
Natandog sila tungod kay gidawat man sa inahan nga iring ang rabbit isip usa sa iyang mga anak ug gi-amuma kini uban sa iyang mga kuting. Igo na lang silang nagkatawa sa iyang bana ug mi-ingon nga maayo na lang kay koneho ang iyang gisagop dili ilaga.
Karon, nangita si Price og maayong permanenteng panimalay alang sa iring, sa lima ka kuting, ug sa ilang giamumang koneho, kay nabalaka siya sa ilang kaluwasan tungod kay duol sila sa usa ka busy nga highway.
