BUTUAN CITY – Gi-review na sa national security team ni United States President Donald Trump ang Iranian peace plan nga maoy magpahunong sa giyera ug mag-abli sa Strait of Hormuz, samtang gisibog ang panaghinabi alang sa ilang nuclear program.
Samtang nakigtagbo na si Iran’s Foreign Minister Abbas Araghchi kang Russian President Vladimir Putin sa St Petersburg dayong butyag nga gikonsidera na nila karon ang hangyo sa Amerika nga subling sugdan ang negosasyon.
Nasayrang ubay-ubay na nga mga nasud ang nanawagan alang sa dinalian ug wala’y babag nga pag-abli sa Strait of Hormuz, uban sa pahimangno ni United Nations chief Antonio Guterres nga ang US-Iran standoff sa waterway naka-trigger og global food emergency.
Hangtud sa pagkutlo niini nga balita, ang Israel ug Hezbollah padayong nagbinayluay ug tira hinungdan sa padayong pagsaka sa ihap sa mga nakalas.
