BUTUAN CITY- Gibutyag ni Senate President Vicente “Tito” Sotto III nga posibleng sugdan na Senado ang impeachment trial batok kang Vice President Sara Duterte duha ka simana human madawat ang articles of impeachment gikan sa House of Representatives kung mapasa kini sa unang simana sa Mayo.
Sigon ni Sotto, psoibleng mag-convene ang Senado isip impeachment court human madawat ang reklamo gikan sa Kamara de Representantes, ug sugdan ang pagpangandama sa pagtaral nga molungtad hangtud duha ka simana. Subay niini, gipasiugda ni Sotto nga aksyonan gilayon sa Senado ang bisan unsang impeachment complaint “forthwith” o diha-diha, subay sa 1987 Constitution.
Gisiguro usab niini nga mahimong patas ang Senado sa proseso ug gi-awhag ang mga senador nga posibleng mahimong senator-judges nga magpabiling walay gidapigan, bisan paman adunay managlahing political affiliations. Gihimakak usab ni Sotto ang mga alegasyong adunay nakahan-ay nga boto batok kang Sara Duterte, ug gi-insistar nga sayop ang pagpakuyanap og susamang alegasyon tungod makadaot matud pa kini sa institusyon.
