BUTUAN CITY- Posibleng mo-abot matud pa sa 92 trial days ang presentasyon sa mga ebidensya sa Impeachment Trial ni Vice President Sara Duterte, base sa projection nga gisumite sa Prosecurtion ug defense panels sa Senate Impeachment Court.
Sumala ni Senate Secretary ug Clerk of Court Atty. Renato Bantug Jr., gipasagdan ang House Prosecution Panel nga manginahanglan og 62 Trial Days aron mapresenta ang ilang mga ebidensya, samtang 32 Trial days usab ang gipangayo sa kampo sa depensa.
Giklaro usab niini, nga ang kinatibu-ang 92 trial days projection lang sa duha ka kampo alang sa Presentasyon sa ilang mga ebidensya.
Samtang, sigon ni Lead Prosecutor ug Batangas Representative Gerville Luistro, nga posible pang makuhaan ang ihap sa Trial Base kung tugotan matud pa sa Impeachment Court ang mas mubo nga oras alang sa hearing. Sumala pa niini, nga kung mahimong mas igo ang oras sa matag trial days, posible kining makapresenta og duha ka testigo sa isa ka hearing, imbis nga isa lang.
Pagklaro pa ni Luistro, nga anaa sa Impeachment Court pa gihapon kung unsa ang ilang sundon nga Trial day ug gipasalig lang matud pa sa ilang kampo sa korte kung unsa ang mahimong lakang kalabot sa proseso pagtaral.
Sa kapo usab sa depensa unsa nang gibutyag ni Defense Spokesperson Atty. Michael Poa nga permi matud pang andam ang ilang kampo nga mag-adjust ug mosunod sa tanang deriktiba sa Imeachment Court aron dili matud pa malangay ang schedule sa Impeachment Trial.
Gikatakada nga himuon ang Impeachment Trial Proper sa Hulyo 6 human nga masunod ang deadline sa Pre-Trial Conference naidtong Huwebes, kung asa minglungtad og lima ka adlaw ang pagmarka sa mga dokumentong i-presenta sa kampo sa Prosecution ug sa depensa sa pagtaral.
