BUTUAN CITY – Gila-umang botaran karong adlawa sa House Justice Committee kung adunay igo nga “probable cause” alang sa impeachment ni Bise Presidente Sara Duterte.
Sigon ni House Justice Committee Chairperson ug 2nd District Batangas Rep. Gerville Luistro, adunay pipila ka mga importanteng isyu nga kinahanglang hisgutan sa dili pa ang botohay, lakip na ang income tax returns ni VP Sara ug sa iyang bana nga si Atty Manases Carpio, ug ang gika-ingong hulga sa Bise Presidente batok kang Pangulong Ferdinand Marcos Jr.
Usa sa mga isyu nga nalangay pagtuki sa gisubmiteng green box sa Bureau of Internal Revenue (BIR), tungod sa pahimangno sa ahensya nga dili kini pwede ablihan sa open session ug kinahanglan lamang himuon sa closed-door meeting kung kini alang sa in aid of legislation.
Madumdumang sa mi-aging pagdungog, migawas sa report sa Anti-Money Laundering Council (AMLC) nga dunay kinatibuk-ang P6.7 bilyon nga covered ug suspicious transactions sa ngalan nila VP Sara ug Carpio kansa ginegar sa magti-ayon dayong butyag nga “bloated” ang figures tungod kay gipundok ang mga transaksyon sulod sa daghang mga tuig.
Sumala sa Office of the Ombudsman, wala magdeklara si Sara Duterte og cash on hand o bank deposits sa iyang Statement of Assets, Liabilities and Net Worth (SALN) gikan sa tuig 2019 hangtod 2024.
Adunay pipila ka miyembro sa komite nga nagsulti nga mosuporta sila sa paghatag og probable cause, ug kung kini ma-aprubahan, ipasa ang committee report sa plenaryo.
Kung makalusot sa Kamara, kinahanglan og 106 ka boto aron ipasa ang Articles of Impeachment sa Senado alang na sa pagtaral.
