BUTUAN CITY – Daw nawad-an na og paglaum ang mga Butuanons sa subling pagtumaw karon sa problema sa water supply sa Butuan City Water District kon BCWD kansa mas labaw pa kaysa unang nasinatian ning siyudad niadtong tuig 2024.
Sigon sa negosyanteng si Olivier Terante, kapoy nang paminawon ang mga pagpasabot sa mga taga-BCWD uban sa mga city officials tungod kay taliwa nga dugay na kini nga problema, wala gihapo’y nabati nga kalambuan ang mga Butuanons gawas lang sa pag-activate sa mga pumping stations.
Makalagot matud pang paminawon nga ang pagkonsidera na karon sa mga BCWD officials nga himuong tuburan sa water supply ang Agusan River, tungod kay panahon pa kini ni kanhi Pangulong Rodrigo Duterte mitumaw, dihang gipa-abot ngadto mismo kaniya ang problema sa water supply ning siyudad.
Sukad niadto, wala kini aksyuni sa administrasyon ni kanhi Mayor Ronnie Vicente Lagnada hangtud na karon nga administrasyon taliwa sa grabeng problemang hatud niini sa mga Butuanons niadtong duha ka tuig pa ang nakalabay.
Makadismaya matud pang paminawon ang kawala’y political will sa BCWD sa maong plano ilabina kung hisgutan ang pundong gamiton nga mu-abot matud pa sa bilyunes pisos.
Klaro matud pa nga dili interesado ang maong mga kadagkuan nga himuong tuburan sa water supply ang Agusan River tungod sa kawala’y aksyon niini taliwa nga dugay ra kini nilang gisugyot.
