BUTUAN CITY- Ming-abot na sa plenary sa House of Representatives ang committee report sa articles of impeachment batok kang Vice President Sara Duterte, kagahapon sa gibie, kansa gi-refer sa House Committee on Rules aron magtakda og iskedyul sa plenary debate ug botohan.
Ang mga artikulo sa impeachment nga giaprubahan sa House Committee on Justice adunay kalabotan sa betrayal of public trust, culpable violation of the Constitution, corruption, ug uban pang high crimes tungod sa alegasyon sa misuse of confidential funds, unexplained wealth, bribery, ug death threat batok kang President Ferdinand Marcos Jr., First Lady Liza Marcos, ug kanhi House Speaker Martin Romualdez.
Gikinahanglan ang 1/3 vote o 106 sa 318 ka miyembro sa House aron ma-impeach ang opisyal. Kung makab-ot ang gikinahanglan nga boto, ipadala ang artikulo sa Senado nga molingkod isip impeachment court. Ang House mopili og 11 ka miyembro nga mahimong public prosecutors ug mahimo usab sila mangayo og tabang sa private prosecutors.
Sumala ni House Justice Committee Chair Rep. Gerville Luistro, gilauman nga andam na ang plenary sa Mayo 11 aron moboto sa impeachment articles.
