-- ADVERTISEMENT --
BUTUAN CITY- Nagpagawas og pahimangno ang mga awtoridad sa Japan human sa kusog nga linog nga adunay nga adunay gikusgong magnitude 7.5 nga miigo sa amihanang-sidlakang baybayon sa nasud kaganiha.
Usa ka inisyal nga 40 sentimetro nga balod ang natala sa pantalan sa Miyako sa Iwate prefecture, ug gibanabana sa Japan Meteorological Agency nga mahimong moabot og 3 metros ang kahabogon sa balod.
Gibutang ang tsunami warnings sa Iwate ug Hokkaido prefectures, ug gi-awhag ni Prime Minister Sanae Takaichi ang mga residente sa apektadong lugar nga mobalhin gilayon sa mas taas nga dapit.
Sa pagkakaron, wala pay nakitang abnormalidad sa mga planta sa nukleyar, samtang nagpadayon ang mga inspeksyon sa Fukushima Daiichi plant.
