BUTUAN CITY – Mikunhod ang rata sa walay trabaho sa Pilipinas ngadto sa 4.7% niadtong Abril 2026, mas ubos gikan sa 5.0% niadtong Marso, sumala sa datos nga gipagawas sa Philippine Statistics Authority (PSA).
Ang pinakabag-o nga mga numero nagpakita nga gibanabana nga 2.41 ka milyong Pilipino ang walay trabaho niadtong Abril, mas ubos itandi sa 2.58 ka milyon nga natala sa miaging bulan.
Ang pagkunhod nagpasabot nga adunay gamay nga pagbawi sa mga bakanteng trabaho bisan pa man nga ang nasod nagpadayon sa pag-atubang sa mga hagit, lakip ang mas taas nga panggastos sa panginabuhi ug krisis sa enerhiya.
Miuswag usab og dyutay ang employment sa maong panahon.
Sigon ni USEC Claire Dennis Mapa, national Statistician sa PSA nga ang employment rate nitaas ngadto sa 95.3% niadtong Abril 2026, nga bugti sa 48.89 ka milyong Pilipino nga adunay trabaho.
Bisan pa man sa binulan nga pag-uswag, ang unemployment nagpabilin nga mas taas itandi sa 4.1% nga natala niadtong Abril 2025, nga nagpakita nga ang labor market nagpadayon pa gihapon sa pagbawi kon itandi sa miaging tuig.
Samtang, ang underemployment nitaas ngadto sa 15.2% niadtong Abril 2026, mas ubos gikan sa 14.6% sa parehas nga bulan sa miaging tuig.
Kini nagpasabot nga gibanabanang 7.41 ka milyong nagtrabaho nga mga Pilipino ang nagpadayag sa ilang tinguha nga makabaton og dugang nga oras sa trabaho, ikaduhang trabaho, o mas nindot nga kalidad sa trabaho nga adunay mas taas nga oras sa pagtrabaho.
