BUTUAN CITY – Gimanduan karon sa Pre-Trial Chamber I sa International Criminal Court (ICC) ang prosecution ug ang defense teams sa kaso ni kanhi Pangulong Rodrigo Duterte pagpakita na sa mga ebidensya sunod buwan, adiser ang gikatakdang confirmation sa charges hearing sa Septembre.
Sa kamanduan nga gipagawas niadtong Marso 21, gimanduan sa Pre-Trial Chamber 1 ang prosekusyon ug ang depensa pagpakita sa gidaghanon ug sa klase sa mga ebidensyang plano nilang ipresenta uban sa prescribed timeline.
Gimanduan niini ang proseksyon nga isubmite sa Abril 4, ning tuiga ang impormasyon sa kinatibuk-ang ihap sa mga sinulat nga ebidensya kung nasalig sila sa uban nga mga non-written pieces sa documentary evidence, ug kung pila ang mga witnesses ingon man witness statements ang ilang mahatag.
Gitahasan usab sila nga ipresenta kung sa unsang paagi nila hangyuon ang protective measures alang sa mga potential witnesses, ug kung ilang ipadayon ang imbestigvasyon sa kanhi pangulo, sa unsang paagi kini maka-impact sa disclosure process.
Alang usab sa defense team ni Duterte, duna sila’y hangtud sa Abril 11 pagsubmite sa ilang mga obserbasyon sa impormasyon nga isubmite sa prosekusyon. Ila lang tubagon kung mupresentar sila og ebidensya ug mutawag sa ilang kaugalingong mga witnsess atol sa confirmation hearing
