BUTUAN CITY- Gi-aprobahan sa International Criminal Court (ICC) Trial Chamber III ang pagpa-freeze sa mga kwartang nakumpiska kaniadto kang Kanhi President Rodrigo Duterte human kining maarestoug gidala sa kustodiya sa international tribunal niadtong Marso 2025.
Kini human gihangyo sa prosekusyon nga ma-access ang iyang mga personal nga gamit ug i-freeze ang unsa mang kwarta nga dala sa kanhi Presidente.
Base sa mga dokumentong gipagawas sa ICC niadtong Biyernes, Hunyo 27, 2026, gi-aprobahan sa korte ang mosyon sa prosekusyon nga ipadayon ang pag-freeze sa unsa mang kantidad nga nakuha gikan kang Duterte panahon sa iyang pag-aresto.
Una nang gikwestyon sa kampo ni Duterte ang maong lakang sa Trial Chamber III.
Sumala sa depensa, dili na matud oa kinahanglang himuon sa prosekusyon ang ilang hangyu tungod nasa kustodiya na matud pa sa ICC Registry ang nasangpit nga kwarta.
Pag-insistar pa niini, nga walay mahimong epekto niini sa kasamtangang hearing sa kaso.
Wala na usab gibulgar sa ICC kung pila ang kwartang nakuha gikan sa kanhi Presidente.
Samtang, minghangyo usab ang prosekusyon nga maghatag og access sa uban pang mga butang nga nakumpiska gikan kang Duterte panahon sa iyang pag-aresto.
Bisan paman nga wala mingsupak ang depensa sa pagsusi sa pipila nga nakuhang kabtangan, gihangyo sa abogado ni Duterte nga si Atty. Peter Haynes nga dili tugotan ang prosekusyon aron susihon ang mga yawe ug uban pang personal nga mga butang nga anaa karon sa kustodiya sa ICC Registry.
Sigon sa depensa, walay igo nga basehan ang prosekusyon aron ilambigit ang mga yawa sa unsa mang krimeng gi-imbistigan o sa unsa mang bahanding may kalaboyan sa kaso.
Gihangyo usab sa kampo ni Duterte nga kung tugotan ang pagsusi sa uban pang mga nakumpiskang gamit, siguradohon sa prosekusyon nga maprotektahan ang mga personal nga impormasyon sa kanhi Presidente ug sa iyang pamilya nga walay kalabotan sa gihimong imbestigasyon.
