BUTUAN CITY – Taman nalang sa pagdawat sa delivery order gikan sa online shopping ang usa ka estudyante sa China. Nasayran nga niadtong Nobyembre 11 sa alas dose ang takna sa gabie, nabilar ang mga shopper worldwide tungod sa Eleven.Eleven promo sa mga online shopping.
Usa sa mga epic shopping experience nga mas gikahimut-an karon sa social media ang sa wala na nagpailang estudyante sa China nga hubog dihang niorder sa maong promo. Saysay pa sa bayong-bayong nga sinena ug sapatos unta ang iyang planong paliton pero aminado siya nga hubog siya niadtong tungura.
Pagka ugma na siya nakahimatngon dihang iyang gi tracked ang order ug nakitang buhing baboy, peacock ug salamander diay ang iyang napalit. Gusto matod pa niyang ikansel pero wala na siya’y mahimo tungod nabayran na niya ang maong mga item.
Human sa duha ka adlaw gideliver ang baktin, peacock ug salamander. Pag angkon sa bayong-bayong, kahilakon siya sa nasayang nga salapi nga kakataw-unon tungod sa iyang mga naorder. Ug nagdesisyong iya nalang himuong pet ang nasangpit nga mga mananap.
Samtang sa Pilipinas viral usab ang usa ka shopper dihang gi post niya ang iyang 11.11 order nga tsinelas. Tuod barato kaayo tungod sa promo pero naglabad siya unsaon ug sul-ob tungod kay puros tuo ang gideliver sa iya nga tsinelas.
