BUTUAN CITY – Posible nga mga environmental stressors sama sa underwater noise pollution, seismic activity, o kaha wala ma-diagnose nga sakit ang gikamatyan nadugta nang balyena nga nabanlas sa baybayon sa Barangay Poblacion, Lianga, Surigao del Sur ning mi-aging mga adlaw.
Base na kini sa pagsusi sa miresponding magtutudlo ug mga estudyante sa Northeastern Mindanao State University–Lianga Campus (NEMSU-LC) College of Fisheries and Aquatic Sciences, uban sa pakig-alayon sa local government unit kon LGU, Provincial Fisheries Office, Philippine Coast Guard, ug Lianga Municipal Police Station.
Nasuta pa nga mabdos kini ang maong balyena nga na-ilang ‘Longman’s beaked whale base na pag ila sa mga marine biologists ug fisheries professionals nga apil miresponde sa lugar diin midagsa anga patay nang balyena.
Base sa preliminary necropsy sa balyenang dunay gitas-on nga 5.9 metros ug timbang nga 1,000-kilos, walay nakitang samad, severe malnutrition, ug wala usay nakitang nakaon nga plastic ang higanteng isda.
