BUTUAN CITY – Padayon karun ang gihimong imbestigasyon aron matumbok ang motibo sa pagpamusil nga gihimo sa duha ka bayong-bayong ngadto sa tulo ka mga biktima sa San Diego, California, adiser kini nagpusil sa ilang kaugalingon.
Natigayon ang pagpamusil kaganina lang buntag sa Islamic Center sa San Diego diin nakita sa kapulisan ang tulo ka mga biktima nga dunay samad pinusilan sa lawas gawas sa dakbalay.
Human niini, nakadawat na usab ang kapulisan og laing tawag mahitungod sa mga buto sa armas gikan sa sakyanan pipila ka kanto lang gikan sa mosque.
Didto nadiskubrihan sa mga otoridad ang mga suspetsado nga nagpangedarong 17 og 18-anyos nga nag-unay og pusil sa ilang kaugalingon.
Lakip sa mga namatay nga biktima ang security guard nga nagtrabaho sa Islamic Center og dunay dakong papel aron mapugngan ang maong pag-atake.
Gane gihulagway pa kini ni San Diego Police Chief Scott Wahl nga usa ka bayani tungod sa daghang kinabuhi matud pa ang iyang naluwas.
Bisan og nagpadayon pa ang pagtumbok sa motibo apan gitoohan sa otoridad nga hate crimes kin tungod sa mosque nga pinakadako sa San Diego County.
Duha ka oras adiser ang pag-atake, mitawag ang inahan sa usa sa mga suspek ngadto sa kapulisan aron itaho nga ang iyang anak mibiya sa panimalay nga dunay dalang mga armas nga iyang gipanag-iyahan lakip na sa iyang sakyanan.
Duna matud pa kini kauban diin ang duruha nakasoot og camouflage.
