BUTUAN CITY – Hangtud sa pagkutlo niini nga balita, gihulatan pa sa katawhan dili lang sa Englatera kondili sa tibuok kalibutan ang hinungdan sa pagkamatay ni Queen Elizabeth II.
Kini ang gipadayag ni Bombo international correspondent Dr. Leizel Longboan, ang founder ug editor sa Tinig-UK, direkta gikan sa United Kingdom sa eksklusibong pakighinabi sa Bombo Radyo Butuan.
Sigon ni Dra. Longboan, dihang gipahibalo pa lang sa Royal Family sa Clarence House nga under medical supervision si Queen Elizabeth sa Balmoral Palace sa Scotland, nabalaka na ang mga tawo tungod kay kini matud pa ang unang higayon nga gipahibalo kini sa publiko sukwahi sa nangagi nga ihilom lang kung duna kini balatian.
Mas nakurat ang tanan dihang gipahibalo nang patay na kini ug mala-umon silang sa umalabot nga mga adlaw, mapahibalo ra sa Royal Family ang hinungdan sa iyang kamatayon.
