BUTUAN CITY – Nakagawas na sa prisuhan ang usa ka opisyal sa kapulisan human napasakaan og kaso dihang nasapon nga anaa sa lugar nga dunay nag-mahjong (mad-jong) atol sa gilusad nga operasyon sa kapulisan sa Buenavista. Agusan del Norte subay na sa pagtuman nila sa tahas nga dakpon ang mga nagpahigayon og mga ilegal nga mga pasugal.
Gi-ila ni Police Captain Junel Gultiano, Officer In Charge sa Buenavista Municipal Police Station ang nakasuhang si Police Master Sargent George Mahistrado – hepe sa Santiago Municipal Police Station sa Santiago Agusan del Norte.
Sigon ni Police Captain Gultiano, apil si Maestrado sa unom ka mga tawong gidakop tungod kay anaa kini sa premises sa mga nag-madjong rason sa pagkasikop niini ug gipasakaan gilayon og kasong illegal gambling pinaagi sa inquest proceedings.
Kagahapon sa hapon pinaagi sa resolution nga gipagawas ni Assistant Provincial Prosecutor Joseph Romano ubos sa kamandoan ni Provincial Prosecutor Judge Danny Serrano, gibuhian kini tungod sa “lack of merit“
