BUTUAN CITY – Very alarming na ang grabe ka-init nga nasinatian karun sa kalibutan.
Kini ang gipadayag ni Bombo international correspondent Wilson Leonardo Paguyo direkta gikan sa Paris, France sa pakighinabi ning sibyahan.
Sumala ni Paguyo kinsa usa ka chef sa Paris, nagkinahanglan na og pagpakabana sa matag-usa aron maluwas ang kalibutan tugod sa grabe nga heatwave nga ilang nasidnatian.
Makalagot matud pang paminawon nga daghang mga siyentista ang nangita og laing planeta nga pwedeng kapuy-an sa tawo apan wala muhimo og pamaagi aron maluwas ang atong planetang gipuy-an.
Sumala pa ni Paguyo, adiser pa man ang grabe ka-init nga nasinatian sa France, nalantawan na kining daan sa gobyerno rasong duna nay advisory kung unsay buhaton apan bisan pa man, dili gihapon malikayan ang mga ma-collapse o kaha mamatay tungod sa heatwave.
Gani sa mga restaurant duna na silay gihimong mga pagpangandam sama sa pagpakusog sa ventilation og cooling systems apan dako gihapon kaayu ang epekto niini sa ilang negosyo.
Makita na usab ang mga tawo nga kung wala sa sulod sa panimalay, anaa kini ilalom sa mga punuan sa kahoy og tambag na lang niini sa tanang katawhan sa France nga likayan ang pagkaon og daghan ilabina sa karne ning panahon sa ting-init tungod kay seguradong musangpot kini sa cardiac arrest ug dili kalimtang mu-inom kanunay og tubig.
Samtang gibutyag usab ni Paguyo nga isip pagbuhat og lakang mahitungod sa climate change, ang gobyerno sa France nagpatuman na og balaod diin gipa-phase out ang mga sakyanan nga migamit og gasolina ug gitugutan na lang ang mga electric nga sakyanan og biseklita.
Gipatuman kini sukad pa sa nakalabay nga tuig apan wala gihapon makalikay sa grabe kainit sa panahon nga lakip sa factor ang natigayong giyera sa Ukraine diin daghang mga war materials ang gigamit.
Gibutyag pa niini nga kung mo-exhibition na ang nuclear weapons, tingale hingpit nang mabungkag ang kalibutan.
