BUTUAN CITY – Kinahanglan pang moagi sa tukmang proseso sa pagsusi ang hanyag sa Asian Development Bank nga 1.75 bilyones dolyares nga financing assistance sa gobyerno sa Pilipinas.
Sigon ni Palace Press Officer Undersecretary Claire Castro, ang Department of Finance mohimo og pagtoon mahitungod sa hanyag sa ADB.
Partikular nga tun-an sa DOF ang terms and conditions sa financing offer.
Kini aron masigurong nahiuyon sa fiscal og debt management objectives sa kagamhanan.
Bisan paman niini, gipahayag ni Castro nga dakong tabang ang nasangpit nga offer sa DBM nga nagtumong nga maminusan ang economic impact sa Middle East conflict sa nasud.
Klaro usab matud pa nga pagpakita kini sa pagsalig sa mga development partners sa kapasidad sa gobyerno nga mutubag sa mga pangkalibutanong hagit.
