BUTUAN CITY- Mipasi-daan ang International Energy Agency (IEA) nga ang pangkalibotanong ekonomiya anaa na ubos sa “major threat” tungod sa krisis sa enerhiya nunot sa nagpadayon nga tensyon sa Middle East, partikular sa Strait of Hormuz.
Sumala ni International Energy Agency chief Fatih Birol, ang kasamtangang sitwasyon ma-isusama sa mga oil crisis niadtong 1970s ug sa epekto sa pag-atake sa Russia sa Ukraine niadtong 2022.
Gitawag usab niini nga kini kumbinasyon sa “two oil crises and one gas crash,” kansa adunay halapad nga epekto sa pangkalibutanong ekonomiya.
Gipasiugda usab ni Birol nga “walay nasud nga makaluwas” sa epekto kung magpadayon ang krisis, mao nga kinahanglan matud pa og halapad nga global cooperation aron makunhuran ang sitwasyon.
Subay niini, padayon ang tensyon tali sa Estados Unidos ug Iran, samtang nagpabiling naka-apekto ang sitwasyon sa Strait of Hormuz, usa ka importanteng agi-anan sa dul-an 20% sa panmgkalibotanong lana ug gas shipments.
Tungod sa blockade ug kagubot sa lugar, subling minghinay ang importasyon sa suplay nga mingresulta sa pagsaka sa presyo sa lana sa merkado
