BUTUAN CITY – Gisugdan na sa Japan ang pagpagawas sa gitratar na nga tubig gikan sa Fukushima nuclear plant padulong ngadto sa Pacific Ocean – 12 ka tuig human ang meltdown sa maong site.
Sigon sa International Atomic Energy Agency kon IAEA nga mao ang atomic regulator sa United Nation, nasubay sa safety standards ang pag-discharge sa tubig ug duna’y negligible impact sa mga tawo ug sa palibot.
Ang nasangpit nga desisyon naghatag og kabalaka sa China, South Korea ug sa Pacific islands – kondiin ang Hong Kong ug Macau, nagpatuman na og sa mga seafoods sa Japan. Gibarugan sa Japan nga ilang na-filter ang tubig ngadto sa usa ka main radioactive isotype nga mao ang tritium kansa dili makuha gikan sa tubig hinungdan nga kinahanglan kining i-dilute kon lapsawon.
Nasayrang ang tritium limit sa Fukushima water anaa lang sa 1,500 becquerel/litre kansa unom ka higayong mas ubos kumpara sa gilimit nga tubig ma-inom sa World Health Organization.
Gisugdan na ang pag-discharge ala-una sa hapon oras sa Japan kondiin gipa-agi ang tubig sa usa ka underwater tunnel.
