BUTUAN CITY- Gipakita sa Gilas Pilipinas Girls ang ilang kusog ug kahanduraw sa pagdaog human nilang gibuntog ang Indonesia sa skor nga 88-62, aron makompleto ang 4-0 sweep sa SEABA U18 Women’s Qualifiers sa STI West Negros University sa Bacolod City.
Nagsugod ang Nationals sa lig-on nga 25-14 hinungdan nga naka-abante sa unang bahin sa duwa ug wala na nila hatagi pa og higayon ang Indonesia nga makabalik, nga mitultol sa 26 puntos nga kadaugan. Pinaagi niini, nakaseguro ang Gilas sa ilang pagbalik sa FIBA U18 Women’s Asia Cup nga pagahimo-on sa Malaysia karong tuiga, diin mag-atbang sila sa labing kusgan nga mga koponan sa Asya alang sa kwalipikasyon sa FIBA U19 Women’s World Cup sa China.
Gipangulohan ni Rhiane Perez ang Gilas pinaagi sa 18 puntos, lima ka rebounds ug upat ka assists, samtang misuporta sila si Sophia Dignadice nga adunay 14 puntos, ug sila ni Tiffany Reyes ug Maria Singson nga nakatampo og 12 ug 11 puntos matag usa. Ubos sa bag-ong head coach nga si Sandy Arespacochaga, nakapakita ang Gilas og dominasyon sa tibuok torneyo pinaagi sa average winning margin nga 36.25 points, human usab nilang gipildi ang Vietnam, Singapore ug Thailand sa ilang kampanya.
