BUTUAN CITY – Andam na si Gazini Ganados alang sa Miss Grand International All Stars pageant human siya mi-abot sa Bangkok, Thailand.
Sa unang adlaw sa pageant, nagpakita siya og phoenix-inspired nga sinina nga gihimo sa Filipino designer nga si Patrick Isorena.
Na-ilhan gilayon siya human maapil sa Top 5 sa Hot Picks list sa Missosology samtang si Fuschia Ravena, usa ka Filipina trans-queen, nakasulod sa Top 20 sa ika-11 nga puwesto.
Apil sila Gazini ug Fuschia sa 59 ka mga kandidata sa All-Star Edition, uban ang lain pang mga Filipina beauty queens nga sila Imelda Schweighart, Keylyn Trajano, ug Alexia Nunez.
Ang kompetisyon bukas alang sa tanang kababayen-an ug trans- women nga nag-edad og 20 hangtud 40-anyos nga nakasalmot na sa international pageant kaniadto.
