BUTUAN CITY- Hingpit nang mingskusog isip usa ka typhoon ang Bagyong Francisco nga adunay international name nga “Mekkhala” samtang anaa sulod sa Philippine Area of Responsibility (PAR), sumala sa Philippine Atmospheric, Geophysical and Astronomical Services Administration kon Pagasa.
Sa 5 p.m. bulletin kagahapon Domingo, sigon sa Pagasa nga nahimong typhoon si Francisco pasado alas-2 sa hapon.
Kataposang nakit-an ang sentro a bagyo sa gilay-on nga 820 kilometro amihanan-sidlakan sa Eastern Visayas.
Aduna kini gikusgon sa hangin nga mo-abot hangtud 120 kilometers per hour (kph) ug pagkuso-kuso sa hangtud 150 kph, samtang minglihok pakasadpan-amihanang-kasadpan sa gikusgon nga 25 kph.
Dugang pa sa Pagasa, nga laumang magpadayon pa ang gikusog sa bagyo ug posibleng mo-abot ang pinaka-kusog niini sa intensidad pag-abot sa Martes.
Posible usab nga i-isa ang Tropical Cyclone Wind Signal No. 1 sa pipila ka parte sa amihanan ug sidlakan sa Cagayan, lakip ang Babuyan Islands ug Batanes.
Bisan paman nga gilaomang magmintinar si Francisco sa Philippine Sea sa tibuok forecast period, wala gihapon gisalikway sa Pagasa ang posibilidad nga kini moduol sa Extreme Northern Luzon.
Gilaoman usab nga molihok ang bagyo pamihanan-kasadpan hangtud Miyerkules adiser moliko padulong southern Japan.
Sa pagkakaron, base sa datos sa Pagasa, gamay ra ang posibilidad nga direktang makaapekto si Francisco sa panahon sa nasud, apan posible nga mokusog ang habagat nga magdala og ulan sa pipila ka bahin sa Luzon ug Visayas sa umaabot nga mga adlaw.
