BUTUAN CITY – Gihulat na lang ang final statement sa Mines and Geo-sciences Bureau kon MGB kalabot sa findings sa ilang gihimong imbestigasyon sa Brgy. Siana, lungsod sa Mainit, Surigao del Norte human nahugmak ang tailings storage facility No. 3 sa Greenstone Resources’ Corporation nga miresulta sa pagdahili sa yuta nga mitabon sa pipila ka kabalayan hinungdan sa paghikling sa mga apektadong pamilya.
Sigon ni Engr. Larry Heradez, regional director sa Mines and Geo-sciences Bureau kon MGB-Caraga, sa panig sa kompanya, napresenta na sa mga tigdumala ang ilang short ug long-term plans alang sa total rehabilitation sa maong lugar ilabina ang pagbayad sa mga pamilyang apektabo sa maong hitabo.
Nakig-aayon na ang nasangpit nga kompanya ngadto sa lokal nga kagamhanan alang sa daling pagbayad sa mga na-apektuhan ingon man sa pag-relocate kanila sa mas luwas nga lugar.
Kung duna na matu dpa’y matumbok nga permanenteng relocation site, wala na’y residente sa maong dapit nga pabalikon og puyo kay danger zone naman ang maong lugar.
Aron magpadayon matud pa ang inadlaw nga panginabuhian sa mga apektadong pamilya, apil sa bayaran sa kompanya ang nawala nilang panginabuhian ug relokasyon.
