BUTUAN CITY – Nakakita og bag-ong paglaum ang mga Filipino nga atubangon ang mga hagit sa kinabuhi labi na ang hatod sa pandemya human ang balaang misa sa St. Peter’s Basilica nga gipangunahan ni Pope Francis isip pahinungod sa ika-500 ka tuig nga Kristiyanismo sa Pilipinas.
Sa pakighinabi ning sibyahan kang Bombo International Correspondent Edward Reyes nga atua karon sa Milan, Italy, duna usa’y misa nga gipahigayon sa Milan rason nga iya usab g anasaksihan ang kinaibuk-ang dagan sa misa sa Santo Papa.
Dinhi nabati niya uban sa mga kababayang Pilipino ug uban pa nga lahi ang mensahe nga gustong ipaabot sa Santo Papa aron mas palig-unon pa ang pagsalig sa Ginoo taliwa sa mga pagsulay sa kinabuhi.
Sumala pa ni Reyes, proud ang Filipino Community sa Italya human nga subling gihatagan og importansya ni Papa Francisco ang mga Filipino kansa sentro sa maong balaang misa.
Sigon niini wala usab niya nagpugnan nga mahimong emosyunal labi na sa paghatag og homily ni Cardinal Luis Antonio Tagle ug pagpasalamat kini sa Santo Papa sa pagpakita niini og gugma sa mga Pilipino.
