BUTUAN CITY – Nagsugod na matud pa ang exciting part sa impeachment trial alang sa alegasyong betrayal of public trust batuk kang Vice President Sara Duterte human ang ika-13 nga pagtaral niadtong Miyerkules.
Kini ang assessment ni kanhi Alliance of Concerned Teachers kon ACT Teachers Partylist Rep France Castro sa eksklusibong pakighinabi sa Bombo Radyo.
Iyang gibutyag nga kini tungod kay napagawas matud pa ni prosecution witness Atty Roderick Wamil atol sa maong pagtaral kung gi-unsa pag-usik usik ang milyunes pisos nga kantidad sa confidential fund sa Office of the Vice President kon OVP ug sa Department of Education kon DepEd.
Gani dinhi matud pa nabulabog ang daghan kaayong acknowledgement receipts kon ARs nga mi-abot sa 845 nga dihang gisuma total, mi-abot sa kinatibuk-ang 125-milyunes, 150-mil pisos.
Gawas pa kini sa gibutyag sa testigo nga daghan pang mga items nga dili importante ko dili related expenses sa kontrobersyal nga pundo.
Kini gawas pa sa sayop nga mga petsa sa pipila ka mga ARs kondiin duna’y nakapetsa sa Disyembre 2023 kansa sukwahi sa gihisgutan nga tuig 2022.
Anaa pa ang 11 ka mga ARs nga na-disburse lang sa usa ka adlaw nga nagkantidad og 17-milyunes pisos kondiin ang special disbursing officer kon SDO, mi-adto sa usa ka rehiyon ngadto sa laing rehiyon ug uban pang gigastuhan sama sa mga safe houses.
