BUTUAN CITY – Balik-presohan ang usa ka empleyado sa gobyerno human nadakpan sa drug buy bust operation nga gilusad sa kapulisan didto sa Purok 3, Sitio Gayas, Brgy. Sabang, Surigao City, lalawigan sa Surigao del Norte.
Naila ang suspek nga si Alain Blas Celocia Tero alyas “Blas,” 41-anyos minyo ug nagpuyo sa Payawan 1, Brgy. Luna sakop sa maong siyudad.
Sumala ni PCol. Noel Espinoza ang police provincial director sa Surigao del Norte, usa ka drug surrenderee sa Surigao City Police Station ang nadakpan niadtong Septembre 21, 2018 kinsa gilista isip ka High Value Individual ug anaa sa Regional Priority Target List.
Nakuha sa posisyon niini ang usa ka schet sa gidudahang shabu nga napalit sa poseur-buyer nga dunay timbang nga muabot sa 0.1 gram ug gibana-banang nagkantidad og 1,000 pesos; marked money, pina-ugang dahon marijuana nga motimbang og 2 ka gramo, laing tulo ka sachets sa gidudahang shabu nga motimbang og 0.15 gram ug mga personal nga mga gamit.
Gihikay na ang kasong ipasaka batok sa dinakpan.
